22
ноябрь
2022
Өрт – тілсіз жау
Өрт – тілсіз жау. Оның салдарынан түрлі қайғылы жағдайлар орын алуда. Ал улы газбен улану – адамдар үшін қауіпті жағдайлардың бірі болып табылады. Бұндай қауіп жылыту пешінің ақауынан, қозғалтқышы қосылған жабық автомобиль ішінде, адамдардың өрт ошағында болған кезінде төнеді.
Улы газбен уланудың алдын алу мақсатында Шымкент қаласы Төтенше жағдайлар департаментінің қызметкерлері №28 жалпы орта білім беретін мектебінің оқушыларымен үгіт-насихат жұмыстарын жүргізді. Мамандар газ плиталарын және жылыту пештерін қауіпсіз қолданудың маңыздылығын түсіндіріп, жылу беру кезеңінде улы газбен уланудың алдын алу және тұрғын секторларында өрт қауіпсіздігі қағидаларын сақтау бойынша жадынамалар таратты. Оқушыларға жылыту пештерін пайдалану кезінде улы газдың қандай қауіп төндіретініндігі және оның қандай жағдайға душар ететіндігі туралы жеткізді. Құтқарушылар балаларға түрлі жағдайда алғашқы көмек көрсету қағидаларын көрсетіп, үйретті. Сонымен қатар қыздар мен ер балаларға өрт сөндірудің алғашқы құралдарын дұрыс пайдалану туралы айтып берді.
Оқушылар ТЖ қызметкерлерімен кездесу кезінде қауіпсіз жүріп-тұру негіздері бойынша көптеген пайдалы білім алды.
Өрт – тілсіз жау