#Qaharman

Ерімбетов Үмбет 1922 жылы 9 мамырда Түркістан облысы, Төлеби ауданы, Ақтас ауыл кеңесінде, Көлбастау колхозында дүниеге келген. Сол жерде 7-сыныпты бітіргеннен кейін Мақтарал аудандық әскери комиссариатынан әскерге шақырылып, Жамбыл облысындағы Отар әскери бөлімінде дайындықтан өткеннен кейін 1942 жылы Сталинград майданына аттанады.Ү. Ерімбетов соғыс басталысымен Жамбыл облысында 5 ай дайындық курсынан өтіп, Сталинград майданына аттанады. Сталинградтағы Украина майданының бірінші гвардиялық атқыштар дивизиясының №1107 атқыштар полкінде 152 мм орудияда оқтаушы болды. Соғыстың шешуші кезеңі осы Сталинград бағытындағы жаумен теке-тірес еді.

Сталинград, Курск 1-ші Украина майдандарында болған. 1943 жылы Украинада Шипитовка қаласында аяғынан ауыр жараланып, емханада жатып, емделген соң өз бөлімшесіне қосылып, 1945 жылы Берлинді алуда ерлік көрсетті.

  Венгрия, Чехословакияны азат етуге, алуға қатысқан.

ІІІ-дәрежелі «Даңқ», «Қызыл Жұлдыз», «Ұлы Отан соғысы» ордендерімен, «Германияны жеңгені үшін», «Берлинді алғаны үшін» медальдарымен марапатталған. 

1947 жылы елге оралды.

Үмбет ата 3 қыз, 2 ұлдың әкесі болды. Бүгінде артында 50 ден аса немерелері бар. Шөбере көріп дүниеден өтті.

Nur otan партиясының #Ардагерлердіардақтайық  жобасы аясында Ұлы Жеңістің 75 жылдық мерекесі қарсаңында бастау алған ҰОС мен тыл ардагерлеріне ерекше құрмет көрсетуді мақсат еткен #Qaharman челленджін әріптестерім Шымкент қалалық білім басқармасына қарасты Қазыбек би атындағы №36 жалпы орта білім беретін мектепке жолдаймыз.