«Жас Ұлан» әскери-спорттық ойынның республикалық финалы өткізілді.

2020 жылғы 18 қыркүйекте «Мәңгілік Ел» жалпыұлттық патриоттық идеясын іске асыру аясында Қазақстан Республикасы Білім және ғылым министрлігінің «Республикалық қосымша білім беру оқу-әдістемелік орталығы» РМҚК ұйымдастыруымен «Жас Ұлан» әскери-спорттық ойынның республикалық финалы өткізілді. 

Екі кезеңнен (өңірлік және қорытынды республикалық) тұратын Республикалық ойынның финалы келесі номинациялар бойынша өткізілді:

1) Командалардың тұсаукесері. 

2) Тарихи-іздеу зерттеу жобасын қорғау.

3)  «Жауынгерлік парақ» қабырға газеті

4) Ұлы Отан соғысындағы Жеңістің 75 жылдығына арналған «Соғыс жылдарындағы әндер» атты патриоттық әндер байқауы.

5) «Алғашқы медициналық көмек көрсету» квиз-викторинасы.

6) Турникке тартылу.

7) Арқамен жатып денені жерден көтеріп түсіру.

8) «Өз қолыңмен әскери техника» сәндік-қолданбалы өнер байқауы.

 Командалардың тұсаукесері, тарихи-іздеу зерттеу жобасын қорғау,  «Алғашқы медициналық көмек көрсету» квиз-викторинасы және Ұлы Отан соғысындағы Жеңістің 75 жылдығына арналған «Соғыс жылдарындағы әндер» номинациялары ZOOM қосымшасы арқылы онлайн форматта өтті. 

        №28 жалпы орта білім беретін мектебінің жоғарғы сынып оқушыларынан құралған "Қыран" тобы да аталған республикалық ойынның финалына қатысып, Шымкент қаласының намысын қорғады. Әр өңірден 17 команда қатысқан бұл сайыста біздің оқушылар "Арқамен жатып денені жерден көтеру" номинациясы бойынша ІІІ дәрежелі дипломмен марапатталды. Топ жетекшісі Үсенов Талғат алғыс хатпен, топ мүшелері Бибіт Ғазиз, Нурали Әли, Курманбек Нұрдәулет, Рысбаев Қанат, Тұрсын Бекнұр, Ақарыс Нұрсерік , Хусейнов Эхсон, Хохлова  Анастасия, Макарова Мария үздік нәтиже мен белсенді жұмыс көрсеткендері үшін сертификаттармен марапатталды. Алар асуларың көп болсын, «Қырандар»!

Шымкент қаласы Дарын орталығының директоры Р.О.Джереноваға осы сайысқа қатысуымызға атсалысқаны үшін алғысымызды білдіреміз.