«Ғылыми зерттеу жұмыстарын әзірлеудің заманауи әдістемесі»
2021 жылдың 27-қаңтар күні «Шымкент Дарыны» орталығы және №28 жалпы орта білім беретін мектеп ұжымы «Ғылыми зерттеу жұмыстарын әзірлеудің заманауи әдістемесі» тақырыбында бірлескен семинар өткізді. Барлық санитарлық талаптарды сақтай отырып офлайн форматта ұйымдастырылған семинарда «Шымкент Дарыны» орталығының директоры Джеренова Раушан Омархановна ғылыми жоба жұмысын жасау мен оны рәсімдеуге қойылатын талаптардың заманауи әдістемесімен бөлісті. Сонымен қатар, еліміздің ең ауқымды «Елбасы медалі» жобасы аясында тың мағлұмат беріп, «Шымкент Дарыны» орталығының ІІ жартыжылдықта жоспарлаған сайыстары мен конкурстарын таныстырды.
Бірлескен, ынтымақтастық жұмыс арқылы заманауи ғылыми жоба жұмыстарының әзірлену жолдарын талқылауды мақсат еткен бұл семинардан №28 жалпы орта білім беретін мектеп мұғалімдері тақырыпқа сәйкес толғандырып жүрген көптеген сұрақтарға нақты жауаптар алды.
«Шымкент Дарыны» орталығының директоры Джеренова Раушан Омархановна мен «Шымкент Дарыны» орталығының мамандарына мектеп ұжымы атынан алғыс білдіріп, алдағы жұмыстарына табыс тілейміз!
