«Әжелер сөзі – тәрбиенің көзі»

Әжелер өнегесі мен олардың тәлім-тәрбие ұрығын себуші, ұлттық салт-дәстүрді кейінгі ұрпаққа аманаттаушы ретіндегі ролін ешкім қайталай қоймайды, алмастыра алмайды. Дана әжелердің қоғамдағы орны қазақ прозасында анық көрініс табуы осының дәлелі болса керек. Демек, ұрпағын жаза басудан сақтандырып, қайта өнегесімен өрісін кеңейткен әжелер болған, келешекте бола да береді. Десек те, дүние ғаламдасу кеңістігіне қарай ойысып, жан-дүниеміз батыстан жеткен «сыртқы күштермен» жадыланып бара жатқан мына заманда біз осы бір рухани құндылықтан ажырап, яғни әжелер салған ізгі жолдан жаңылмасақ екен дейміз. Осы мақсатта мектебіміздегі «Әжелер клубының» данагөй әжелері мен ұлттық тәрбие жанашырларының ұйымдастыруымен мектебімізде «Әжелер сөзі – тәрбиенің көзі» тақырыбында танымдық сұхбат кеші өткізілді. Танымдық кездесу барысында мәдениет пен әдет-ғұрыпты жастардың бойына сіңіріп, оларға тарихымызды танытып, салт-дәстүрімізді, әдет-ғұрпымызды үйрету мен қатар қадыр-қасиетін ұғындыру мақсатында маңызды тақырыптар қозғалды. Өз ұлтының тілі мен ділін бойына сіңіріп өскен жас ұрпақ ұлтжанды болашақ кепілі деп білеміз!