13
октябрь
2022
"Мектеп парламенті"
Қазақстанның балалары мен жастары – Қазақстан қоғамының стратегиялық құндылығы және болашақ адами капиталы екендігі баршамызға аян. Қазіргі таңда білім алушылардың бойында азаматтық белсенділік, әлеуметтік құзыреттілік, азаматтық жауапкершілік дағдыларын дамыту, әлеуметтік шығармашылыққа қабілетті, өзінің жеке басын, қоғам мен мемлекетті жетілдіру мүддесінде әрекет ете алатын жоғары азаматты тәрбиелеу мақсатында «Мектеп парламентін» құрудың маңызы зор.
Осы мақсатта №28 жалпы орта білім беретін мектебінің "Мектеп парламенті" білім алушылардың өзін-өзі басқару тұжырымдамасын дамыту негізінде мектеп президенті мен фракция жетекшілерін сайлау өткізілді. Сайлауға 9-10 сынып оқушылары қатысты. Сайлау алдында үміткерлер ұстаздар мен оқушыларды өз бағдарламаларымен таныстырып шықты. Сайлаудың нәтижесінде, басым көпшілігінің дауысымен 9 «Г» сынып оқушысы Байымбетов Еркін мектеп президенті болып сайланды. Сонымен қатар, сайлау қорытындысы бойынша Мырзарайм Бекарыс – вице-президент, Бақытқызы Арайлым – қамқорлық фракция жетекшісі, Ахымбет Аружан – білім және мәдениет фракция жетекшісі, Исах Жібек – экология және еңбек фракция жетекшісі, Орманова Ардана – өзін-өзі тану және бақыт фракция жетекшісі, Турапбаев Асхат – спорт және салауатты өмір салты фракция жетекшісі, Асан Балжан – құқық және тәртіп фракция жетекшісі, Акбердиев Жаннұр – дебат қозғалысының фракция жетекшісі, Қуаныш Жанель – патриотизм фракциясы, Жорабек Балнұр – қамқорлық фракциясы, Ғабит Мадина – ақпарат фракциясының жетекшісі болып сайланды.
Президент болу үлкен жауапкершілікті талап етеді. Мектеп президенті мен фракция жетекшілері жұмыстарын жауапкершілікпен атқарып, мектебіміздің атын тек биіктен көрсетеді деген сенімдеміз.
