03
ноябрь
2022
ЖЫЛ САЙЫН КЕМІНДЕ МЫҢНАН АСТАМ МЕКТЕП ЖАҢАРТЫЛАДЫ
ЖЫЛ САЙЫН КЕМІНДЕ МЫҢНАН АСТАМ МЕКТЕП ЖАҢАРТЫЛАДЫ
Жыл сайын шағын қала, аудан орталығы мен ауылдағы кемінде мыңнан астам мектеп заман талабына сай жаңартылатын болады. Бұл туралы ҚР Президенттігіне үміткер Қ. Тоқаевтың сенімді өкілдерінің №28 жалпы орта мектептің ұжымымен өткен кездесуде айтылды.
Қоғамдық штаб мүшелері Бақтыбай Алипов, Сұлтанғали Қуандық, Бақтияр Спанов, Гүлжайна Жартыбекова өз сөздерінде мектептерді модернизациялау аясында күрделі және ағымдағы жөндеу жұмыстары жүргізіліп, мектептер пән кабинеттері және жиһазбен жабдықталатынын, кітапханалары мен асханалары жаңартылатынын, компьютерлермен қамтамасыз етілетіндігін атап өтті. Сонымен бірге елімізде робототехника, химия, биология және физика пәндеріне арналған кемінде 700 заманауи кабинет ашылады.
Сенімді өкілдер мұғалімдерді кандидаттың сайлауалды бағдарламасының басқа да бағыттарымен таныстырып, алдағы сайлауға белсенді қатысуға шақырды.



