Жалпы ата-аналар жиналысы

Жас ұрпақты парасатты, ақылды, мейірімді жан-жақты азамат ретінде тәрбиелеудегі ата-ананың ролі ерекше. №28 жалпы орта білім беретін мектебіндегі оқу жылының басындағы алғашқы жалпы ата-аналар жиналысы өзгеше өтті. Өткен оқу жылының оқу және тәрбие бағытындағы өткізілген іс-шаралар мен жетістіктер бейнеролик арқылы көрсетілді. Мектептің «Қамқоршылық» кеңесінің төрағасы М.Ш.Балымбетова «Мектепті қаржыландыру» жобасымен таныстыра отырып, жан басына шаққанда қаржыландыру жобасы мектептердегі білім сапасын көтеруге, бәсекелестікке, оқушылардың білім сапасын арттыруға жетелейтіндігін айтып өтті. Ата-аналар комитетінің төрағасы И.Н.Степанова мектептің келісім шартындағы көрсетілген ата-ана мен оқушының міндеттері мен құқықтарына тоқталып, мектеп формасына түрлі діни конфессияларға қатысты киім элементтерін киюге болмайтынын атап өтті. Ата-аналар мен оқушылардан бірыңғай мектеп формасын енгізу және мектеп қабырғасына оқу процесіне кедергі келтіретін смартфонды қолдану не қолданбауды анықтау мақсатында, анонимдік сауалнама жүргізілгендігін, қорытындысын диаграмма арқылы ДТІЖО Р.Сағынтайқызы көрсетіп, түсіндірді. Ата-аналар мен оқушылардың 92 пайызы мектеп қабырғасына оқу процесіне кедергі келтіретін смартфонды әкелуге қарсы екендерін білдірсе, 93 пайызы бірыңғай мектеп формасын енгізуге келісетінін білдірген. «Отбасындағы бала тәрбиесі» туралы бейнеролик көрсетіліп, мектеп психологі Г.Пернебаева бала тәрбиесіндегі ата-ананың алатын орнының ерекше екендігін, отбасы мүшелерінің арасындағы бауырмалдық, қайырымдылық, достық қарым –қатынасты қалыптастыруға шақырды.