«ТӘУЕЛСІЗДІК – ЕЛ БАҚЫТЫ!» КІТАП КӨРМЕСІ

«Біртұтас тәрбие» жобасы аясында  №28  жалпы орта білім беретін мектеп кітапханасы Қазақстан Республикасының Тәуелсіздік күніне орай «Тәуелсіздік – ел бақыты!» тақырыбында кітап көрмесін ұйымдастырды.

Мақсаты: Оқушылардың бойында Қазақстанның өткені мен бүгінгі өмірін салыстыра отырып, өз еліміздің даму тарихы туралы танымдарын қалыптастыру. Ұлттық сана сезімін ояту. Тәуелсіздік күні туралы терең мағлұмат беру. Оқырманға Тәуелсіздік туралы кітаптармен таныстыру, өз елін, жерін қорғайтын ұрпақ тәрбиелеу.

Кітап көрмесі жазушылардың тәуелсіздік жылдарынан бастап бүгінгі күнге дейінгі еліміздің жолы туралы шығармаларын, сондай-ақ Тәуелсіздік жылдарында жарық көрген әдебиет туындыларын қамтиды. 

Осы орайда оқырмандар назарына тәуелсіздік шежіресі жайында «ҚР Конституциясы», «ҚР Тәуелсіздік Рәміздері», «ҚР Тәуелсіздік Ән ұраны», «Қазақстан тарихы», «Тарих қойнауынан»,  «Ұлы Дала мемлекеті», «Менің далам», «Тәуелсіздік белестері»  атты кітаптар таныстырылды.

Туған халқымыздың тарихын, батыр ұл-қыздарымыздың ерлігін, жеріміздің байтақтығын, байлығын жырлап келген келген ақын-жазушылардың кітаптарын оқуға ұсынамыз.