«Ұлттық киім»

Республикалық Наурыз меркесіне арналған онкүндік жоспарына сәйкес №28  жалпы орта білім беретін мектебінде бастауыш әдістеме бірлестіктерінің  ұйымдастыруымен 18 наурыз – «Ұлттық киім» күні атап өтілді.  Ұлттық киім – кез келген халық мәдениетінің ажырамас бөлшегі. Ол жай ғана киім емес, бүтін ұлттың бет-бедерін айқындар ұлан-ғайыр тарих. Іс-шараның мақсаты - қазақтың ұлттық киім үлгілерін көпшілікке насихаттау арқылы қазақтың киім кию үлгісін заманауи жаңғырту. Қазақы киімнің барша сәнділігі оның ою-өрнегінде, әрбір әшекейінде халқымыздың тарихының, ой-дүниесінің қайталанбас көрінісі жатыр. Ерте замандардан бүгінге дейін өзінің қадір-қасиетін жоймай, қазақ қолөнерінің озық үлгісі ретінде ғана емес, әрі әсем, әрі ыңғайлылығымен де пайдаланудан қалмай келе жатқан ұлттық киімдеріміз жетерлік.  Сондықтан, дәстүрімізге сай, атадан-балаға мирас болып келе жатқан ұлттық киімдерді ұлықтау мақсатында өтіп жатқан «Ұлттық киім» күнінің маңызы зор.

 #наурызмейрамыкуттыболсын #шымкент_қаласының_білім_басқармасы #біртұтас_тәрбие_шымкент #qr_oqu_agartu_ministrligi #шымкент_мектеп #біртұтас_тәрбие