30
сентябрь
2022
Ұстаздар күні құтты болсын!
Ұстаздар күні құтты болсын!
Оқушыларын білім нәрімен сусындатып, тәлім-тәрбие беріп, асыл қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Ұстаз әр адамның жанына білім дәнін сеуіп, әр шәкіртін аялап, өмір атты шексіз ғаламға қанатын қатайтып ұшырады. Дәлірек айтсақ, адамды өмір сүре білуге тәрбиелейді. Сондықтан да ол әрдайым қасиетті тұлға ретінде ерекшеленеді.
Шәкірттеріне аса мейірімді, өнегесі асыл, ерен еңбекшіл, ойы өткір, қымбатты да қадірлі ұстаздар қауымы, Сіздерді, кәсіби мерекелеріңізбен шын жүректен құттықтаймын! Осынау ауыртпашылығы мен жауапкершілігі мол кәсіпті атқарып жүргендеріңізге көп рақмет айтамын. Қоғам мен адамзат алдындағы өлшеусіз еңбектеріңізді ескере отырып, Сіздердің өскелең ұрпақты тәрбиелеудегі абыройлы істеріңізге табыс тілеймін. Қиындығы мен қызығы қатар жүретін ұстаздық жолдарыңыз тек өрлеу мен өсуге бастасын.
Сіздерге бүгінгі ерекше, жайма шуақ күні жақсы көңіл-күй, мықты денсаулық және жаңа бастамаларда тек қана сәттілік тілеймін! Шығармашылық ізденістер мен ғылыми жаңалықтарыңыз артып, шәкірттеріңіз биік шыңдардан көріне берсін! Еңбекте толағай табыстарға, мақсатта биік шыңдарға жете беріңіздер! Әрдайым отбасыларыңыз аман, жүздеріңіз жарқын, мерейлеріңіз үстем болсын!
Құрметпен №28 мектеп әкімшілігі