09
ноябрь
2022
«Жасөспірімдер арасындағы қылмыстың алдын алу»
Кәмелетке толмағандар арасындағы және оларға қатысты жасалатын құқық бұзушылықтың алдын алу мақсатында №28 жалпы орта білім беретін мектебінде «Жасөспірімдер арасындағы қылмыстың алдын алу» тақырыбында полиция қызметкерлерінің оқушылармен кездесуі өткізілді.
Кездесу барысында құқық қорғау органдарының мамандары оқушыларға қылмыстық және әкімшілік құқық бұзушылық заңнамаларына енгізілген жаңалықтар туралы және жасөспірімдер арасындағы қылмыстың алдын алу мәселелері жөнінде кеңінен айтып түсіндірді. Оқушылар мамандарға сұрақтарын қойып, оған толыққанды жауап алды.
Кездесу соңында мектеп директорының оқу тәрбие ісі жөніндегі орынбасары Д.Исакулова ұйымдастырушыларға алғысын білдіріп, аталған кездесудің жасөспірімдер арасында қылмыс пен құқық бұзушылықтың алдын алуға оң ықпалын тигізетінін атап өтті.
