ШЕБЕР СЫНЫП!

Қазақ тілі және әдебиеті пәндерінің әдістемелік бірлестіктің бекітілген жоспарына сәйкес, 2024 жылдың 20 қыркүйек айында "ҚИЫНДЫҚ ТУҒЫЗҒАН САЛАЛАР МЕН СҰРАҚТАРДЫ ТАЛҚЫЛАУ" тақырыбында Ж.Т.Назарова, У.К.Исмайлова, А.К.Өтеш ұстаздардың ұйымдастыруымен шебер сынып өткізілді. Шебер сыныпқа қазақ тілі және әдебиеті пән мұғалімдері қатысты.  «2024-2025 оқу жылында Қазақстан Республикасының орта білім беру ұйымдарындағы оқу-тәрбие процесінің ерекшеліктері туралы» әдістемелік нұсқау хатындағы өзгерістерге тоқталып, белгіленген тақырып бойынша «Он басты сөз» тренингі арқылы оқу мен оқытуда қиындық туғызатын салалар мен сұрақтар қатары (ӘТН-мен жұмыс, яғни грамматикалық тақырыптардағы сабақтастықтың жоқтығы, неге оқушылар теорияны жақсы меңгермейді?, оқушыларды оқуға қалай қызықтыруға болады?, саралау, күрделі мақсаттар: психологизмді анықтау, т.б. жекелеген қиындықтар) анықталды. Олардың себеп-салдары қарастырылып, кеңінен талқылау жүргізілді. Шебер-сынып барысында мұғалімдер, прогрессивті ойлау, грамматиканың функционалдық-коммуникативтік мәнмәтінде оқытылуы, күрделі мақсаттар аясында (автор бейнесі, кейіпкерлер қарым-қатынасының тілдік көрінісі, т.б.) «Креативті матрица», т.б. әдіс-тәсілдер арқылы талдау жасауға және көкейлерінде жүрген көптеген сұрақтарға жауап алды.