"Заманауи мұғалім моделі"

19.02.2022 күні  №28 жалпы орта білім беретін мектебінде   жас ұстаздардың біліктілігін, жан-жақты өз кәсібінің шебері екендігін сынау арқылы, оларды іскерлікке, мәдениеттілікке, өз кәсібіне үлкен жауапкершілікпен қарауға бар күш жігерін жұмсауға баулу мақсатында "Заманауи мұғалім моделі" байқауы өтті. Байқау барысында мұғалімдер өз педагогикалық идеяларын креативті түрде көрсетті. Қатысушылар ГРАН -ПРИ I, II, III Диплодарымен марапатталды. 

Жалпы білім беретін мектеп ұстаздарының біліктілігі мен тәжірибесін арттыруда мұндай жаңаша бағыттағы байқаулардың пайдасы орасан зор. Өйткені болашақ ұрпақтың тағдыры-ұстаздардың қолында. Шығыс ойшылы Ж.Баласағұнның «Қанша білсең, ізден тағы, тағы да, білікті адам жетер тілек, бағына» деп айтқандай, тек заман ағымына қарай жан-жақты ізденген мұғалім ғана білімді, озық ойлы шәкірттер тәрбиелей алады. Мектебіміздің жас мамандары осы байқауда өздерінің жаңа Қазақстанның жаңашыл мұғалімдері екендерін көрсете алды. 

Мақсаты айқын, болашағы жарқын мектебіміздің жас мамандарына шығармашылық табыс тілеймін!