«Үздік педагог» байқауы

Мектебіміздің ағылшын тілі пәнінің мұғалімі Дариева Жазира Мырзаханқызы Халықаралық "Өрлеу-өркендеу" ғылыми-ақпараттық, танымдық-тәрбиелік журналының ұйымдастыруымен өткізілген «Үздік педагог» байқауына қатысып, мәңгілік елдің жарқын болашағы жастардың шығармашылық қабілеттерінің дамуына мүмкіндік туғызып, ұрпақ тәрбиесі жолындағы адал еңбегі үшін дипломмен және саналы ұрпақ тәрбиелеуде қосқан ерен еңбегі үшін «Жаңашыл ұстаз» төсбелгісімен марапатталды. Сондай-ақ, аталған журналдың мұқабасына мақаласы жарияланып, көпшілік оқырманға таралуына атсалысқандығы және ғылыми-танымдық материал жариялағандығы үшін сертификат иеленді.

Құрметті Жазира Мырзаханқызы, Сізді, марапатыңызбен құттықтаймыз! Сізге келешекте мамандығыңыздың үздік шебері атанып, алға қойған үлкен мақсаттарыңызға сүрінбей жете беруіңізге, игі істеріңіздің әрдайым оңға басуына, ел-қоғам алдында абыройыңыздың арта беруіне тілектестік білдіреміз.