Әл-Фараби ауданында полицейлер мектеп оқушыларымен кездесті.

⚜

Әл-Фараби ауданы Полиция басқармасы Көші көн  бөлімінің бастығының м.а полиция майоры С.Мақұлбек  №28 жалпы орта білім беретін мектебінің оқушыларымен кездесіп, маңызды профилактикалық жиын өткізді. Бұл іс-шараның басты мақсаты — жасөспірімдер арасында заң бұзушылықтың алдын алу және олардың құқықтық сауаттылығын арттыру.
Полицейлер мектеп қабырғасындағы жасөспірімдерге заң бұзушылық жасағаны үшін қарастырылатын әкімшілік және қылмыстық жауапкершіліктер туралы түсінік беріп, олардың құқықтық білімін тереңдетті.
Іс-шара барысында жасөспірімдерге “Кәмелетке толмағандар арасындағы құқық бұзушылықтың алдын алу” тақырыбында бейнеролик көрсетілді. Сондай-ақ, полицейлер оқушыларға тәртіпке, жақсы оқуға, уақытты тиімді пайдалануға және спортпен айналысуға шақырды. Жасөспірімдер өздерін қызықтырған сұрақтарын қойып, толыққанды жауаптар алды. Бұл жиын жас ұрпақтың заңды сақтаудағы жауапкершілігін арттырып, олардың қоғамдағы рөлін терең түсінулеріне ықпал етті.